Frequently asked questions

Beinaseyði

Hvað er beinaseyði?


​Beinaseyði er ein elsta heita máltíð mannsins. Þekkingin um þennan heilsudrykk hefur fylgt manninum í gegnum aldirnar og er löng hefð fyrir neyslu á beinaseyði víða um heim. Á síðustu árum hefur eftirspurn eftir hágæða beinaseyði aukist, sérstaklega á Vesturlöndum. Það er einkum heilnæmi beinaseyðisins sem gerir það eftirsóknarvert og hefur löngum verið talið að neysla á því sé styrkjandi fyrir húð, meltingu og liði. Beinaseyði fyrir heilbrigða húð
Kollagen er algengasta prótín líkamans og gegnir fjölmörgum hlutverkum, til að mynda beinum, tönnum, sinum, liðum, liðböndum og brjóski. Kollagen gegnir einnig veigamiklum þætti þegar kemur að heilbrigðu hári, húð og nöglum. Það eru til margar gerðir af kollageni en um 80-90 % af því kollageni sem finnst í spendýrum er gerð I, II og III.
Gerð I er að finna í beinum, sinum, liðböndum og húð, II gerð er að finna í brjóski og gerð III er að finna í húð, vöðvum og beinmerg. Beinaseyði sem soðið er úr góðri blöndu af beinum og brjóski getur innihaldið gerð I,II og III. Líkaminn framleiðir kollagen fram að fertugu og eftir það fer framleiðslan að minnka. Auk hækkandi aldurs getur streita og veikt ónæmiskerfi haft áhrif á kollagenmyndun líkamans. Því getur verið æskilegt fyrir okkur að neyta kollagens til þess að vinna á móti þessari minnkuðu framleiðslu líkamans. Fjölmargar kollagenvörur eru til á markaðnum sem eru meðal annars notaðar til þess minnka verki og draga úr hrukkumyndun. Ein góð leið til að neyta kollagens er drekka beinaseyði auk þess sem maður fær fjöldan allan af öðrum efnum með. Kollagen inniheldur glýsín, prólín og hydroxyprólín, þrjá amínósýrur sem líkaminn notar til þess að búa til sitt eigið kollagen. Til gamans má geta að kvikmyndastjörnur og fyrirsætur eins og Shailene Woodley, Elle MacPherson, Salma Hayek og Gwyneth Paltrow drekka beinaseyði fyrir húðina. Beinaseyði fyrir bein og liði
Beinaseyði hefur löngum verið talið gott fyrir bein því í því er að finna kynstrin öll af efnum sem eru nauðsynleg fyrir heilbrigði þeirra. Með því að drekka beinaseyði færðu ríkulegan skammt af kollageni og góðan skammt af steinefnum á aðgengilegu formi fyrir líkamann en það er einkum magn kollagensins sem gerir það að verkum að beinaseyði er talið gott fyrir bein og liði. Kollagen er prótín sem finnst alls staðar í líkamanum – í beinum, liðum, sinum, liðböndum og tengivefum. Það mætti segja að kollagen sé límið sem heldur öllu saman og heldur líkamanum sveigjanlegum og þrautseigum. Ef stuðnings kollagens nyti ekki við þá myndi maður hreinlega detta í sundur. Hvað heilbrigða liði varðar þá spila meðal annars sérstök sykurprótín, svokölluð GAGs (e. glycosaminoglycan), stóra rullu sem og einnig glúkósamín en þessi efni er að finna í beinaseyði. Tvær þekktar tegundir af GAGs eru Hyaluronic acid og Chondroitin sulfate og eru þessi efni, ásamt glúkósamíni, seld sem lyf og eru vinsæl til að nota við slitgigt og öðrum bólgusjúkdómum.
Hægt er að fá þessi efni úr beinaseyði auk þess sem maður fær fjöldan allan af öðrum efnum með. Til gamans má nefna að íþróttastjörnur eins og Kobe Bryant eru að nota beinaseyði til þess að halda sér í formi.




Úr hverju er beinaseyði?


Beinaseyði er soðið úr íslensku vatni, íslenskum dýrabeinum, grænmeti og kryddjurtum. Þegar kemur að því að velja bein fyrir suðu er þess gætt að velja hágæða bein og að samsetning þeirra sé þannig að mikið sé um liði, brjósk og merg. Við suðu losnar kollagenprótein (1, 2 og 3) úr beinunum, fita úr mergnum og ýmis önnur efni úr brjóski og liðum, til að mynda glycosaminoglycans (GAGs) og amínósýrurnar glýsin, prólín og glútamín, og ýmis önnur snefilefni. Til þess að tryggja að næringarefni losni úr beinunum er beinaseyði soðið í 24+ klst og verkað á ákveðinn hátt. Við lok suðunnar er grænmeti og
kryddjurtum bætt út í.




Hvernig nota ég beinaseyði?


Beinaseyðið er tilbúið til neyslu beint úr krukkunni. Það er hægt að drekka það heitt í staðinn fyrir kaffi eða te, það er hentugt sem millimál og til að nota eftir erfiðar íþróttaæfingar. Það er frábært sem súpu- eða sósugrunnur, til að gufusteikja kjöt eða grænmeti upp úr eða bæta í hrísgrjón. Í raun hentar beinaseyði í uppáhaldsrétti hvers og eins. Sumir fá sér einn bolla á morgnana og aðrir fá sér einn bolla fyrir svefninn.




Hvað endist beinaseyði lengi?


Óopnað í kæli geymist beinaseyði í a.m.k 6 mánuði frá framleiðsludegi. Eftir að beinaseyði hefur verið opnað geymist það í ca. 5 - 7 daga í kæli.




Má drekka beinaseyðið kalt?


Já svo sannarlega. Beinaseyðið er soðin afurð og því er fullkomlega óhætt að drekka það beint úr krukkunni kalt ef maður vill. Sumir nota það beint út í boozt þannig.




Hver er munurinn á soði, seyði, krafti og beinaseyði?


Þeir sem hafa reynslu af eldamennsku vita að grunnur að góðri sósu eða súpu er að nota soð eða seyði. Þó svo að flestir noti þessi orð til skiptist er merkingarmunur á þeim. Við hjá Bone & Marrow, sem og aðrir erlendir framleiðendur beinaseyða, gerum greinarmun á soði, seyði, krafti og síðan beinaseyði. Munurinn felst í framleiðsluferlinu og síðan hvaða hráefni eru notuð. Hvað er soð (e. stock)? Soð er búið til með því að sjóða bein, liði og bandvefi í 3-4 tíma. Með því að láta beinin malla í lengri tíma þá byrja næringarefni, eins og kollagen, að losna úr beinunum. Gelatín myndast úr kollageninu og gefur soðinu hlaupkennda áferð þegar það er kælt. Í sumt soð er bætt við kryddi, kryddjurtum og grænmeti og annað er bara haft hreint.
Hvað er seyði (e. broth)? Seyði er fremur ljós vökvi sem er soðinn úr kjötafgöngum, til að mynda kjúklingi eða lambi, nú eða ýmis konar grænmetisafgöngum. Seyði er léttara miðað við soð og er eldað frá 45 mín og upp í 2 klst. Líkt og með soðið er hægt að bragðbæta seyðið með kryddjurtum og grænmeti. Í einstaka tilfellum er beinum bætt út í seyði. Þar sem seyðið hefur mun styttri suðutíma losnar kollagen ekki af neinu ráði úr beinunum og því hleypur seyði ekki. Það er því að sama skapi minna af þeim góðum næringarefnum sem hægt er að finna í beinunum. Hvað er kjötkraftur/grænmetiskraftur (e. bouillon)? Kjöt- eða grænmetiskraftur er soð eða seyði sem búið er að sjóða niður að stórum hluta og er ýmist selt sem fljótandi þykkni eða í duftformi. Gæði kraftsins er æði mismunandi og oft eru notuð kynstrin öll af aukaefnum til þess að ná fram rétta bragðinu. Hvað er beinaseyði (e. Bone broth)? Beinaseyði er eins konar blanda af soði og seyði. Beinaseyði er líkt soði af því leyti að það búið til með því að sjóða bein, liði og annað í lengri tíma og hefur þykka, hlaupkennda áferð. Það sem greinir á milli soðs og beinaseyðis er að beinaseyðið er soðið mun mun lengur - allt að 48 tímum til þess að ná sem mestum næringarefnum úr beinum, brjóski, liðum og mergni en styrkur ýmissa næringarnefna eykst með lengd suðutíma.
Þar sem að orðin seyði og soð hafa verið notuð til skiptist til að lýsa sama hlutnum þá þróuðust málin þannig að orðið beinasoð (e. Bone stock) varð að beinaseyði (e. Bone broth) og það nafn hefur fest. Við í Bone & Marrow notum því heitið Beinaseyði til þess að lýsa afurðinni sem við erum að framleiða.




Á beinaseyði að vera svona hlaupkennt?


Já, beinaseyði "gelar" eða verður hlaupkennt þegar það er kalt. Það er eðlilegt og merki um að vel sé af kollageni og hálf-vatnsrofnu kollageni (gelatíni) í vörunni. Kollagen prótínið er þannig gert að við suðu þá leysist það upp og er fljótandi við stofuhita en þegar það er kalt þá flækir það sig saman eins og spagettílengjur, sem sagt verður að hlaupi. Til þess að fá það að fljótandi form er hægt að geyma það á borðinu í smá stund eftir að maður tekur það út. Það smá saman verður það fljótandi.





Skírt Smjör

Hvað er skírt smjör?


Skírt smjör (smjörolía) er ævaforn afurð notuð um allan heim. Það er unnið úr íslensku ósöltuðu smjöri. Við framleiðsluna er vatn, mjólkursykur og mjólkurprótín að mestu leyti fjarlægt úr smjörinu. Það hefur sætan karamellukeim og hentar vel sem viðbit og í alla matargerð. Skírt smjör er hálfljótandi og kornkennt við stofuhita. Það hefur hátt brennslumark (250°C) og því afbragð til að steikja og baka upp úr.




Hvernig á að geyma skírt smjör?


Skírt smjör er hægt að geyma við stofuhita. Eins og með aðrar góðar olíur, en skírt smjör er eins konar smjörolía, er gott geyma það fjarri miklum heita eða sterku ljósi.




Hvaða tegundir af skírðu smjöri bjóðið þið upp á?


Við erum með tvær tegundir af skírðu smjöri; hreint og með túrmerik.





Almennt

Hvar er hægt að kaupa vörurnar ykkar?


Vörurnar okkar fást á eftirfarandi stöðum: Beinaseyði: Frú Lauga – Laugalæk 6, 105 Reykjavík Heimasíða
Melabúðin– Hagamel 39, 107 Reykjavík Heimasíða
Fræið Fjarðarkaup – Hólshrauni 1, 220 Hafnarfjörður Heimasíða
Bændur í Bænum – Grensásvegur 10, 108 Reykjavík Heimasíða
Hagkaup - Skeifan, Kringlan, Smáralind, Spöngin og Garðabæ Heimasíða
Heilsuhúsið - Kringlan, Lágmúla, Smáratorgi og Laugavegi Heimasíða
Matarbúr Kaju / Café Kaja- Stillholti, Akranesi Heimasíða Jurtaapótekið Crossfit Reykjavík Skírt smjör: Frú Lauga – Laugalæk 6, 105 Reykjavík Heimasíða
Melabúðin– Hagamel 39, 107 Reykjavík Heimasíða
Fræið Fjarðarkaup – Hólshrauni 1, 220 Hafnarfjörður Heimasíða
Bændur í Bænum – Grensásvegur 10, 108 Reykjavík Heimasíða Hagkaup - Skeifan, Kringlan, Smáralind, Spöngin, Eiðistorgi, Garðabæ og Akureyri Heimasíða
Heilsuhúsið - Kringlan, Lágmúla, Smáratorgi og Laugavegi Heimasíða Jurtaapótekið Crossfit Reykjavík




Er hægt að kaupa vörur beint af ykkur?


Já það er hægt. Við bjóðum upp á áskrift á beinaseyði fyrir einstaklinga á höfuðborgarsvæðinu - sjá nánar hérna https://www.boneandmarrow.com/askrift




Notið þið rotvarna eða bragðaukandi efni í vörurnar ykkar?


Stutta svarið er nei. Vörurnar okkar eru alveg lausar við bæði rotvarnar- og bragðaukandi efni (msg , E621). Þau eru eins hrein og hægt er. Kryddin sem við notum í beinaseyði og golden ghee eru hágæða lífræn krydd sem við kaupum af Kaja Organic.




Sendið þið út á land?


Já við sendum út á land í samstarfi við Samskip - Landflutninga. Hafið samband við sales@boneandmarrow.com til þess að fá frekari upplýsingar





NÁNAR

HEIMILISFANG

Skrifstofa 

Skipasund 87

104 Reykjavík

Sími: 8484592
 

Vinnsla - vinnslusalur Matís

Vínlandsleið 12
113 Reykjavík

© 2019 Bone & Marrow

FÁÐU FRÉTTIR

  • Facebook
  • Instragram
  • Youtube rás